A violencia de xénero
Enche as mans de noces e
castañas,
fúndeas na terra profunda.
Respira
Apoiados
por groseiros discursos de bar e malecón as manadas rifan polo
mellor espazo onde exercer de matóns. A xustiza míraos moito pero
non os ve. E nesa hipocresía enganadora os infundios e as
calumnias que teñen como protagonistas ás mulleres medran e
medran até chegaren a esas rapazas de Pamplona, apuñalada unha e
ferida por vida a outra. E os maltratadores sementando pesticidas
sobre ávidos campos. Esta si que é a violencia patricarcal en
estado puro. Fixéronllelo e fanllo as mulleres que descubriron as
pegadas dese patriarcado, igual por algo tan sinxelo como ser louras
e ter os ollos azuis.
No
entanto e neste contexto que nos ocupa a esa perversión debe
engadírselle a obsesión e a fixación enfermiza cara a elas por
parte de misóxinos profesionais organizados para delinquir. Egos
falsamente emponderados liderando as humillacións e o escarnio,
homes que gozan entre eles pactando en secreto a maneira de fundilas,
que seguen os seus pasos, que
as perseguen, que as asexan nos seus desprazamentos, que presumen
entre eles de saber todo o que fai e a onde vai e tamén a maneira de
botarlles o lazo. En cada colectivo, en cada grupo, en cada
comunidade hai mulleres susceptibes de ser enmerdadas polas manobras
dos depredadores.
Algúns
nadan como peixes nas augas desas contornas: As mulleres como M.
mellor mortas. Canto noxo cando se fai visible tanta malasaña. Un
grupiño pequeno de mulleres recordaba cando C. foi obrigada a
subir a un coche por dous
inviduos que tramaran levala a un barquiño dende Cochabamba dos
Neboeiros. A ética, a estética e a moral están do seu lado, malia
seren descubertos. Desgraciados.
As
propias mulleres equivocámonos moito cando non poñemos por diante a
sororidade fiminina correspondente.
Homes
compinchados
maleando
a outros homes, no futuro os seus propios cómplices.
Individuos
sentidamente orgullos das Manadas,
auténticos admiradores dos animais aos que aplauden como ás feras
dun circo, dándolle pulo aos agresores.
Pero
hai moito máis,observar como os sapos vanse metendo no caldeiro,
como a perversidade vaille dando pulo ó populacho, como as presións
do grupo de maltratadores posicionan aos que miran para que se
impliquen máis e máis. A inicial indiferenza ante o mecanismo
dos maltratadores non era mais que o preámbulo dunha conversión
perversa que os foi transformando en activos axentes da violencia
misóxina.
Algunhas
mulleres confórmanse con reproducir os mesmos roles dos homes macho,
prefiren ser iguais a diferentes, perpetuando así esa ideoloxía dos
falsos empoderamentos de depravados e malévolos que ademais
de asasinarnos, con ou sen previo aviso, elíxennos como obxectivos,
presas fáciles e rendibles coas que encher de esterco as súas
biografías.
Comentarios
Publicar un comentario