Vixiados
Pois
si vivimos vixiados constantemente a través das redes sociais e dos
teléfonos móbiles que utilizamos sen ser conscientes do que supón a tecnoloxia que utilizan os novos smartphones
. Entramos e saimos dos edificios, paseamos polas rúas e sempre
rodeados de cámaras. Un aparello normaliño pode servir de medio de espionaxe incluso cando non está sendo utilizado pois existen
sofisticadas aplicacións que se introducen no sistema través das mensaxes e outras aplicacións de software.
Enrique Dans
O ano 2015 a xornalista experta en Cultura e Tecnoloxía de El diario, Marta Peirano, poñía o foco sobre esa vixianza nunha conferencia titulada ¿ Por Qué Me Vigilan Si No SoyNadie?. Explicaba Peirano como dentro dunha praza pública onde se manifestan miles de
persoas, todos e cada un dos participantes está controlados a través
dos seus móbiles así como as conexións que realizan entre eles,
amosando como funciona o sistema a través dos nodos desas
interaccións tecnolóxicas.
Os
móbiles son pequenos computadores que teñen unha aplicación para
facer chamadas telefónicas ou unha cámara de fotos, pero o seu forte real son as aplicacións que permiten que calquera poida abrir a cámara ou o micrófono. A súa complexidade e posibilidades de
manipulación son enormes. David Maeztu, un avogado especializado en novas
tecnoloxías, advirte que un teléfono intervido, unha vez que soa
ou avisa dunha chamada, aínda que non se descolgue, permite acceder ás conversas sostidas diante dese aparello.
Cando
se conceden máis e máis permisos ás aplicacións que se instalan
nos móbiles e nas tabletas, se está facilitando todo tipo de datos
aos propietarios dese produto: incluso a axenda de contactos cos que
se interactúa. De feito son aplicacións espía que invaden a intimidade e se destinan a calquera tipo de uso ilícito.
Comentarios
Publicar un comentario